స్టార్ మా టీవీలో ప్రసారమవుతున్న సీరియల్ ' ఎటో వెళ్ళిపోయింది మనసు'. ఈ సీరియల్ గురువారం నాటి ఎపిసోడ్ -34 లో.. సీతాకాంత్ తనతో అన్న మాటలన్నీ సిరి గుర్తుకు చేసుకుని బాధపడుతుంది. ఇక నాకు ధన దూరం అయినట్లేనా.. ఇక నాకు చావే మార్గమని సిరి ఎమోషనల్ అవుతుంది. మరొకవైపు మాణిక్యాన్ని చంపడానికి సీతాకాంత్ రివాల్వర్ పట్టుకొని బయలుదేర్తాడు. అప్పుడే తన తాతయ్య ఆపి నీ కోపం మాణిక్యం.. అతని కొడుకు మీద.. అంతేగానీ రామలక్ష్మి మీద కాదు. అది గుర్తుకు పెట్టుకో ఆవేశపడకని పెద్దాయన చెప్తాడు.

ఆ తర్వాత వాళ్ళందరు ప్లాన్ ప్రకారమే ఇదంతా చేసారు. రామలక్ష్మి కూడా అంతే అని సీతాకాంత్ అనగానే.. నువ్వు పొరపాటు పడుతున్నావ్ రామలక్ష్మి నిజాయితీ గల అమ్మాయి అనగానే సీతాకాంత్ కోప్పడుతూ... ఏంటి నిజాయితినా సిరి ప్రేమించింది వాళ్ళ తమ్ముడినే అని తెలిసినా చెప్పలేదు. కావాలనే నాకు జాలి కలిగేలా చేసి జాబ్ లో జాయిన్ అయింది. అంతా మోసమని సీతాకాంత్ చెప్పి కోపంగా అక్కడ నుండి వెళ్ళిపోతాడు. ఆ తర్వాత రామలక్ష్మి కాళ్ళ మీద మాణిక్యం పడి.. అల్లుడు చెప్పింది నమ్ముతున్నావా అని అంటాడు... నువ్వే ఎలాగైనా నన్ను అల్లుడి నుండి కాపాడాలి.. చిన్నప్పుడు ఈ చేతుల్తో పెంచాను.. మంచిగా ఉంటే ప్రాణం ఇస్తాడు లేదంటే ప్రాణం తీస్తాడని మాణిక్యం అంటాడు.

ఆ తర్వాత మిమ్మల్ని ఎలాగైన కాపుడుకుంటానని రామలక్ష్మి తన నాన్నకి చెప్తుంది. అప్పుడే సీతాకాంత్ రివల్వర్ పట్టుకొని వచ్చి మాణిక్యాన్ని షూట్ చేయబోతుంటే.. అసలు ఆ రోజు ఏం జరిగిందో తెలుసుకొని చంపండి అని మాణిక్యం అంటాడు. అయిన వినకుండా షూట్ చేయబోతుంటే రామలక్ష్మి అడ్డుపడుతుంది. ఆ తర్వాత అప్పుడే సీతాకాంత్ వాళ్ళ తాతయ్య వచ్చి సిరి విషయం చెప్తాడు. వెంటనే సీతాకాంత్ హాస్పిటల్ కి వెళ్తాడు. సిరి సూసైడ్ అటెంప్ట్ చేసిందని సీతాకాంత్ ఎమోషనల్ అవుతాడు. మరొకవైపు మళ్ళీ రామలక్ష్మి తన ఫ్యామిలీని తీసుకొని వేరొక దగ్గరికి వెళ్తుంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.